தீபாவளிச் சட்டை
கடைகடையாய்
ஏறி இறங்கி,
கலர் பார்த்து,
கட்டம் பார்த்து,
கடைக்கு வந்த பெண்களையும்
அவ்வப்போது பார்த்து,
கடைசியில் ஒரு சட்டை வாங்கினேன்,
தீபாவளிக்கு!
வீட்டுக்கு வந்து,
புதுச் சட்டையை வைக்க
அலமாரியைத் திறந்தேன்;
இரண்டு மாதங்களுக்கு முன்
பிறந்த நாளுக்கென
வாங்கிய சட்டை என்னைப் பார்த்து சிரித்தது;
(அதே கலர் ,அதே கட்டம்!)
No comments:
Post a Comment