கொசுக்கடி

   ---லினிரா (09/07/2016)

கை மேல் கொசு

ஓங்கி அடித்தேன்

உயிர் போகும் வலி

        ***

ஜன்னல் கம்பிகளில்

தொங்குகின்றன 

முதிர் கன்னியின் 

கிழிந்த ஆடைகளும் 

கிழியாத கனவுகளும்

        ***

அகலப்படுத்தப்பட்ட சாலையில் 

காரோட்ட                                                                          

வெகு சுகமாய்த்தானிருக்கிறது

வெட்டி சாய்க்கப்பட்டு

முண்டங்களாய் நிற்கும்

மரங்களைக் காணும் வரை

        ***

விடுமுறை முடிந்து

பறவைகள் கூடுகளுக்குப்

பறந்து விட்டன

வீடு சுத்தமாயிற்று

மனம் வெறுமையாயிற்று

                    ***

மணமக்கள் போல்

அலங்கரித்துக் கொண்டு சென்றனர்

ஆதார் புகைப்படமெடுக்க

         ***

முதுகின் பின்னால் நின்று கொண்டு

என் கண்களை மூடியது குழந்தை

மூடிய கண்களுக்குள் பேரொளி